Македонската тенисерка Лина Ѓорческа заедно со Александрина Најденова од Бугарија остварија победа попладнево во мечот од првото коло на ВТА турнирот на Бол на Брач во Хрватска.
Тие како трети носителки ја потврдија фаворитската улога и ги победина со 2-0 во сетови хрватските тенисерки Ана Бискиќ и Ани Мијацика.
Првиот сет Ѓорческа и Најденова го добија со 6:4 во гемови, а во вториот беа подобри со 6:1. Во следното коло ќе играат против српско-бугарската комбинација Ивана Јоровиќ и Елица Костова.
Ѓорческа и во второто коло во сингл утре ќе игра против Јоровиќ од Србија, која со 2-0 во сетови ја победи денеска седмата носителка Кристина Куцова од Словачка.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
