Првичната истрага околу смртта на Крис Корнел покажа дека музичарот самиот си го одзел животот. Телото на 52-годишниот американски пејач во средата беше пронајдено во хотелска соба во Детроит.
Со отворено писмо до јавноста денеска се огласи и неговото семејство. Тие веруваат дека кога пејачот посегнал по својот живот, не знаел што прави и дека дрога или други супстанци влијаеле врз неговите акции.
– Без токсиколошките резилтати не може ништо да се тврди – пишува во писмото.
Семејството верува дека Крис земал поголеми дози од препишаното на „ативан“, неговиот препишан лек против анксиозност, кој може да предизвика параноја и суицидни мисли.
Во посебна изјава, сопругата на Крис, Вики Корнел изјави дека последниот пат кога се слушнале тој звучел чудно, по што и признал дека земал апче или две повеќе.
Таа вели дека тој бил грижлив сопруг и татко, кој ја користел секоја слободна прилика за да биде блиску до семејството. Го планирале и нивниот одмор.
– Тој беше мојот најдобар пријател. Тој премногу ги сакаше нашите деца за свесно да го направи ова – вели Вики.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
