Уште една убава вест за Македонија одекна деновиве- Македонец е на висока позиција во „Пинтерест“- една од најголемите и најраспространети социјални мрежи на денешницата. Вања Јосифовски е новиот технички директор на друштвената мрежа, каде што работи од 2015 година.
Под раководство на Вања се изработени Lens, Search и Related Pins, а неговата работна позиција е прва од ваков тип во големата компанија. Тој е првиот технички директор на „Пинтерест“. Тој ќе биде задолжен за раководење со техничките иницијативи за машинско учење, пребарување и инфраструктура.
Пред да работи за „Пинтерест“, работел и во Јаху, Гугл и ИБМ, како и повеќе светски познати универзитети. Средно училиште започнал во Скопје, а продолжил да се образува во Шелби, Северна Каролина. Завршил факултет во Љубљана, а магистрирал на Флорида Универзитетот во Америка. Докторирал во Шведска.
Зад себе има импресивно CV, па одтука и не е чудно што „Пинтрест“ го одбраа токму Вања за нивен технички директор. Со претходно искуство како истражувач и научник, во најдобрите интернет компании Вања има што да покаже. Вели дека искуството и љубовта кон компјутерите ги должи на неговиот татко кој го терал да прави компјутерски програми, но и на професорите од средното училиште Корчагин кои го вовеле во светот на ИТ.
извор: македонија денес.мк
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
