Во Турција уапсен главниот уредник на интернет изданието на „Џумхуриет“, Огуз Ѓувен

Турската полиција го приведе главниот уредник на интернет изданието на дневниот веник „Џумхуриет“, Огуз Ѓувен.

Според весникот „Џумхуриет“ Ѓувен е приведен поради непознати причини. Ѓувен на Твитер напиша „Приведен сум“.

Турската државна новинска агенција Анадолија јави дека Ѓувен е приведен поради информација за загинувањето во сообраќајна несреќа на главниот обвинител во округот Денизли.

Главниот обвинител во округот Денизли, Мустафа Алпер и неговиот возач загинаа откако нивното возило удри во камион на 10 мај.

Алпер беше првиот главен обвинител кој почна истрага против движењето на Фетулах Ѓулен (ФЕТО), кое е обвинето за неуспешниот обид воен удар на 15 јули 2016 година.

Неколку турски новинарски организации, како и главната опозициска партија Републиканска народна партија побараа ослободување на Ѓувен.

Вкупно 12 новинари и директори на опозицискиот весник „Џумхуриет“ во моментот се во затвор под обвинение за тероризам.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.