Ова земја е една од најбогатите во светот, а во неа луѓето умираат од глад!

Авганистан е една од најбогатите држави во светот, гледано од перспектива на резерви на руда и други природни ресурси. Па сепак, оваа азиска земја тоне во беда, а најголем дел од приходите од незаконската експлоатација и трговија со природни богатства оди во рацете на мафијашките групи или радикалните организации.

Па сепак, локалната социјална организација „Транспарентност“ вели дека авганистанската влада фактички не ги контролира паричните текови и не може на вистински начин да располага со сите природни ресурси. Најголем дел од приходите од незаконската експлоатација и трговија со природни богатства оди во рацете на мафијашките групи или радикалните организации.

Средствата од буџетот и меѓународната економска помош се трошат на многу неефикасен начин, вели претставник на организацијата „Транспарентност“, Насер Тајмури.

-За жал, владата не може ефикасно да управува со сите природни богатства во државата. Имам во предвид тоа дека официјалниот рударски сектор се наоѓа во многу лоша положба, а приходите од илегалната експлоатација на рудните богатства кои се продаваат на црно одат во рацете на мафијата и екстремистичките организации, кои на тој начин ги финансираат војните против авганистанскиот народ- објаснува Тајмури.

Според пишувањето на информативната агенција „Џомхур“, количината на неодамна истражените резерви на литиум, железо, бакар, кобалт и злато се толку големи што би можеле оваа земја, со правилна експлоатација и легална продажба на ресурсите, да ја претворат во една од најбогатите светски држави.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.