На Стивен Сигал му е забранет влез во Украина

На американскиот актер Стивен Сигал, кој во крајот на минатата година доби руско државјанство, му е забранет влез во Украина на пет години.

Сигал е еден од многуте личности од културата кои се на црната листа на Украина.

Во писмото на украинската служба за безбедност е наведно дека Сигал направил општествено опасни акции спротивни на интересите на зачувување на безбедноста на Украина. Но, не е прецизно наведено за што точно се работи.

Според локалните медиуми, тој е на црната листа бидејќи е открино дека од 2014 до 2015 година незаконски го посетувал Крим.

Сигал во ноември директно од претседателот на Русија Владимир Путин доби руско државјанство и пасош.

Сигал во минатото го фалел Путин нарекувајќи го еден од најголемите светско водачи.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.