Збеснат делчевчанец го претепал синот, а потоа и полицаец

Не можејки да ја гледа страшната глетка како збеснатиот сопруг крвнички го тепа нивниот 17-годишен син, вчера доцна попладне престрашената сопруга, во намера да го сопре бруталното семејно насилство, својот сопруг го пријавила во полиција, пренесува Канал 5.

Во момент кога екипата на делчевската полиција сакала да го смири здивениот татко-насилник, Б.Р. со тупаници во пределот на главата се нафрлил на еден од полицајците. Колегите на нападнатиот полицаец едвај успеале да го отргнат од збеснатиот домаќин.На пат кон службеното возило, нервозниот делчевчанец не се смирил. Со неколку силни удари со нозе во долниот дел од телото на истиот полицаец на кого со тупаници се обидел да се одбрани, 47-годишниот тепач не успеал во намерата да се отргне од преставниците на органите на редот, кои сакале да го приведат во полициското возило. Истиот се смирил во полициската станица, каде по распитот и комплетирање на севкупната документација, приведениот ќе заработи соодветна пријава.

Инаку, нема информации за мотивите за ваков акт на семејно насилство и дали на приведениот е направен алко-тест.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.