Претседателот на ВМРО-ДПМНЕ, Никола Груевски од денеска, па во наредните неколку дена заедно со партиска делегација ќе присуствува на Конгресот на Европската народна партија (ЕПП) што се одржува во Малта.
Меѓудругото, престојот ќе биде искористен за билатерални средби со луѓе од политичкиот естаблисмент. На настанот, Конгресот и Самитот на Европската народна партија ќе присуствуваат политичките функционери од Европа кои припаѓаат на десничарските политички партии, која е највлијателната политичка сила во рамките на Европската унија.
Во рамките на престојот, меѓудругото ќе се презентираат ставовите во однос на актуелните домашни случувања, политичката криза, како и стратешките интереси на Република Македонија.
Во Малта се очекува да присуствуваат германската канцеларка Ангела Меркел, премиерот на Шпанија Марио Рахој, премиерката на Норвешка Ерна Солберг, ирскиот премиер Енда Кени, унгарскиот премиер Виктор Орбан, претседателот на ЕПП Жозеф Дол, како и претседателот на ЕК Жан Клод Јункер и претседателот на ЕУ, Доналд Туск.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Поврзани вести
-
Орбан: Немам време да дишам, а не пак да се сретнам со Груевски
-
Орбан: Сорос е впуштен во прогонот против Груевски, а тој е мој соработник!
-
Груевски: Добив сознание дека ми се подготвува ликвидација
-
Коалицијата „Сите за правично судење“ ја оспорува професионалноста на МВР за обезбедување на Груевски
