Фрчковски обожувал да слуша туѓи телефони

Пратеници, речиси целото раководство на ВМРО-ДПМНЕ, бизнисмени, професори… биле следени и прислушувани со решенија потпишани од тогашниот министер за внатрешни работи Љубомир Фрчкоски во перидот од 1992 до 1995 година. Професорот Фрчкоски денес е најголемиот противник за важење на законот за лустрација по 1991 година.

Комисијата за верификација на фактите вчера го објави досието на Љубомир Фрчкоски од кое се гледа дека тогашниот министер за внатрешни работи потпишувал решенија за следење поединци врз основа на Законот за основите на системот за безбедност од 1984 годнина на СФРЈ. Во решенијата за следење за речиси сите граѓани стоело дека следењето се применува бидејќи со своите активности можеле да ја загрозат безбедноста на државата и работеле спротивно на Уставот на Република Македонија.

Значи зборуваме за потпишани решенија за следење поединци во независна и демократска Република Македонија, со нов демократски Устав (еден од авторите на Уставот беше токму Фрчкоски). Во тој период останала важноста на некои од комунистичките закони на СФРЈ, кои полицијата очигледно широкоградо ги користела и толкувала.

Од она што се дознава, меѓу прислушуваните и следените лица било речиси целото тогашно партиско раководство на опозициската ВМРО-ДПМНЕ, нивни пратеници, бизнисмени поддржувачи на партијата, професори…

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.