Олимпија сака да го „лапне“ Алеш Пипан, му нудат повеќе пари од МЗТ Скопје

Олимпија сака да го ангажира македонскиот селектор и актуелен тренер на МЗТ Скопје, Алеш Пипан, а директорот на љубљанчаните, Матевж Жупанчич, вели дека можат да понудат многу повеќе пари од македонскиот првак за услугите на Словенецот.

– Имам чувство дека Пипан сака да се врати во Словенија и да работи во родната земја. Ние можеме да му понудиме и подобри услови и повеќе пари на Алеш. МЗТ Скопје не може да се носи со нас и претпоставувам дека му плаќаат многу помалку од сумата што ќе ја понудиме. Сепак, Пипан не е единствениот кандидат за тренер на Олимпија – изјави Жупанчиќ за словенечкиот „Сиол.нет“.

Олимпија го смени Македонецот Сашо Филиповски, а сака да си го врати некогашниот свој играч Пипан, но сега како тренер. Алеш беше дел од познатата генерација на „Змајчеки“ предводена од Петер Вилфан, во 80-тите години од минатиот век.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.