Екипи на Територијалната против пожарна единица од Берово и ЈП Македонски шуми два дена гаснат два шумски пожари во атарот на беровското село Русиново.
Како што изјави директорот на ЈП Македонски шуми, Подружница Берово, Никола Атанасов, пожарот на месноста Марина Лака утрово околу 8 часот е локализиран, додека се уште гори на другата локација каде е зафатена површина од 30 хектари.
– Во првиот пожар кај месноста Марина Лака беше зафатена површина од 10 хектари. Има мала штета на високата шума, но голема на насадите од мал бор, а најмногу е зафатена приватна шума. Овој пожар беше пријавен вчера во 14 часот, а локализиран утрово во 8 часот. Додека другиот пожар кој се уште е активен, е пријавен во понеделникот во 17 часот. Гори дабова и букова шума, зафатени се и нискостеблеста шума и сува трева. Овде изгореа и две стари плевни каде експлодираше муниција оставена од војните, што доплнително ја отежна работата на екипите, рече Атанасов.
Тој додаде дека и двата пожари се предизвикани од запалени стрништа или оган кој го палат сточарите.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
