Роџер Федерер дефинитивно доживува втора младост.
Никој на почетокот на оваа сезона неможеше да замисли дека најдобриот тенисер на сите времиња ќе освои некој турнир, а по само два месеци веќе се заќити со две титули. По првата на грен-слемот во Австралија, Федекс успеа да слави во финалето и на Мастерсот во Индијан Велс над својот сонародник и добар пријател Станислас Вавринка со 2-0 (6-4, 7-5) во сетови.
По раните елиминации на главните фаовирити на овој турнир Енди Мареј и бранителот на титулата Новак Ѓоковиќ, Федерер ја искористи шансата без посериозни проблеми стигна до титулата без загубен сет.
Во финалето одигра како во најдобрите денови и воопшто не му даде шанса да Вавринка да се понадева на титулата. По првиот сет направи брејк во клучен момент, а во вториот и покрај тоа што загуби свој сервис веднаш се врати освои три гема во низа за предност од 3-2 која успешно ја сочува до крајот и во клучниот 12 гем го нападна сервисот на противникот и по само првата меч-топка славеше победа.
Ова е петта титула за Федерер на Индијан Велс, а најави дека ќе се обиде да го пвотори успехот и следната година.
Веќе од утре Федерер ќе биде шести тенисер во светот, а шансата за напредок на АТП-листата ќе се обиде да ја искористи на следниот Мастерс во Мајами, бидејќи повторно има отворен пат до финалето затоа што Мареј и Ѓоковиќ го откажаа учеството поради повреди.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
