Во Македонија утринава преовладува облачно време со локален дожд во западните и северните делови и со слаб снег на планините. Долж Повардарието и во источните делови на државата дува умерен до засилен северен ветер кој наместо достигнува брзина до околу 60 км/час.
Најстудено утрово е во Маврово и Лазарополе каде температурата е -2 степена, додека во останатите градови низ државата се измерени температури над нулата. Во Крушево и Ѓуриште температурата е 0 степени, во Пожаране и Берово 1, во Дебар, Тополчани, Охрид, Претор и Крива Паланка 2, во Виница и Прилеп 3, во Тетово и Битола 4, во Куманово и Скопје Петровец 5, во Демир Капија, Струмица и Штип 6, во Дојран 7. Најтопло е во Гевгелија каде се измерени 8 степени.
Во текот на денот ќе се задржи променливо облачно време со услови за проврнување повремен слаб дожд, додека на планините и на некои повисоки места ќе врне слаб снег. Ќе дува умерен северен ветер, кој повремено ќе се засилува, особено долж Повардарието и во источните делови на земјава.
Највисоката температура на воздухот ќе се движи во интервалот од 7 до 14 степени.
Во Скопје слично време со сончеви периоди. Ќе дува умерен, повремено засилен северен ветер. Највисоката температура на воздухот ќе достигне до 11 степени.
Променливото и релативно свежо време ќе се задржи до викендот кога се очекува намалување на облачноста и зголемување на температурите.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
