Осум лица се повредени од кои две се со тешки повреди во пет од вкупно 10 сообраќајни несреќи што се случиле во текот на вчерашниот ден на подрачјето на СВР Скопје. Во другите пет сообраќајки е причинета материјална штета.
Сообраќајната полиција санкционирала 13 возачи што се движеле со брзина поголема од дозволената, шест возачи поминале на црвено на семафор, 11 возачи го управувале возилото по истекот на важноста на сообраќајната дозвола или без возачка дозвола, како и седум возачи што за време на управување на возилото не го користеле сигурносниот појас, односно користеле мобилен телефон. Затечени се и 37 непрописно паркирани возила.
Со специјалното возило „пајак“ се отстранети 55 возила.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
