Серхио Роберто цела сезона ја игра како десен бек, позиција што е неприродна за него, па по бројните грешки следеа и многу критки на негова адреса. Сепак, тоа сега е минато – Роберто е новиот херој на каталонците, а неговиот гол против ПСЖ е нешто за што ќе се раскажува уште долго, за комплетирање на најголемиот камбек во историјата на европските купов.
– По Париз сите велеа дека сме пропаднати, но ние верувавме во себе. Овој тим е предодреден за големи работи, за вакви историски резултати. Што да кажам за голот, само се фрлив, не го ни видов голманот. Кога забележав дека топката заврши во мрежата полудев од среќа, како и сите на стадионот. Целиот тим заврши неверојатна работа, ова е тимска победа – изјави Роберто.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
