На улицата „Димитрије Чуповски“ во Скопје, синоќа во 1 часот и 40 минути, имало пукање. Полицијата денеска информира дека 42-годишниот С.Ф. и 39-годишниот Е.М. од Скопје се скарале, па се степале, а во еден момет, С.Ф. извадил пиштол и испукал два куршума кон противникот, кој инаку бил брат на неговата сопруга.
На истиот му била укажана медицинска помош во Ургентен Центар Скопје и од страна на лекар му била констатирана тешка телесна повреда и тоа прострелна рана во пределот на десната дланка и повреда во пределот на стомакот по што бил пуштен на домашно лекување.
Со осомничениот ќе биде извршен разговор и по целосното расчистување и документирање на случајот ќе следи соодветен поднесок.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
