Во голем пожар што попладнево пламна во павилјоните на Студентскиот дом „Цвијетно“ во Загреб изгорени се неколку соби, студентите се евакуирани, а најмалку три лица се повредени. На повредените им е укажана итна медицинска помош, а пожарот е ставен под контрола.
До пожарот, како што пренесоа хрватските медиуми, наводно дошло во кујната, а потоа тој се проширил низ целиот дом. Пожарот зафатил и неколку соби, а студентите на социјалните мрежи веќе меѓусебно се организираат за да им обезбедат сместување на колегите на кои собите им беа зафатени од пожарот.
Студентскиот дом е евакуиран од безбедносни причини. Во гасењето на пожарот интервенирале триесетина пожарникари со повеќе возила.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
