Детскиот културен центар „Карпош“-Скопје од 20 до 25 февруари на Попова Шапка ќе ја организира традиционалната манифестација за деца „Снежен град“. Од 25 февруари ќе организира и „Карван – Попова Шапка 2017“ – еднодневни излети до Снежниот град.
Градители на Снежниот град се ученици од основни училишта од Скопје, Гевгелија, Виница и од Тетово. Тие ќе бидат сместени во хотел „Славија“ – ЕЛЕМ, со кој ДКЦ „Карпош“ соработува во организирањето на манифестацијата.
Снежниот град ќе биде отворен за посетители на 25 февруари во 11 часот, кога ќе го претстават неговите градители и директорката на ДКЦ „Карпош“ Ружа Ѓорѓеска.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
