Барса четири години не била вака поразена во Европа како вечерва во Париз, од убедливиот пораз во Минхен во полуфиналето во сезоната 2012/13. Немаа никакво обаснување за поразот ниту фудбалерите на Луис Енрике, а ниту самиот предводник на првакот на Шпанија.
– Ривалот беше супериорен од нас во сите елементи. Тоа беше видливо од првата минута, беа подобри со и без топка и мора да признаеме дека бевме инфериорни. Имаше неколку фази во мечот. Многу лошо почнавме, имавме еден позитивен момент, но без зрели шанси. Сепак тие беа конкретни, постигнуваа голови навреме и нивните контранапади не убија. По 2-0 на полувреме разговаравме дека резултатот е лош и мора да реагираме. Но, наместо тоа во вториот дел ги зголемивме грешките и загубивме на тежок и за нас непрепознатлив начин. Не можам да речем дека не изненадија, разговаравме за нивните одлични инвидуалци и контранападот, но работите на теренот покажаа нешто сосема друго – рече Луис Енрике на официјалната прес-конференција.
На Барса сега и треба чудо какво што никогаш не направиле, бидејќи после пораз од четири гола, Каталонците никогаш не минале двомеч во европските купови.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
