Одбиле да ја прегледаат бидејќи градите и биле преголеми

Вистински шок доживеала 60 годишна жена при обидот да направи преглед на мамограф како редовна контрола во борбата против рак на дојка.

Имено, жената отишла на закажаниот преглед во локалната болница во Загреб. Кога влегла во ординацијата, докторот и рекол да не се соблекува туку само да ја крене блузата. Кога таа го сторила тоа, докторот и се извинил и и рекол дека нема да може да го изврши снимањето бидејќи нејзините гради се премногу големи.

Од болницата за хрватските медиуми објасниле дека мамографот кој може да снима гради без разлика колку се тие големи не е исправен и е испратен на сервис, а оној со кој располагаат, едноставно не може да сними гради во толкав обем.

Лекарот ја испратил госпоѓата во блиската болница, а приказната ги полни насловните страни во хрватските медиуми.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.