Ја следат пејачката на секој чекор – Французи снимаат филм за Цеца и Аркан

Животот на Жељко Ражнатовиќ-Аркан и неговата сопруга Цеца ќе биде претставен во документарец, а со тоа се занимаваат Французи.

Камермани и новинари на телевизијата „Канал 5“ во неделата биле на поменот на командантот на Српската доброволна гарда. Тие и на Новите гробишта во Белград снимиле кадри за својот филм.

Екипата на француската продукција веќе подолго време престојува во Србија, но и во Босна, каде што разговара со соговорници и собира материјал за документарецот.

– Тоа ќе биде голем проект! Веќе некое време престојуваме во Србија, истражуваме и следиме сѐ што има врска со животот на Цеца. И за Аркан собравме доста материјал – изјавиле од продукцијата.

Цеца потврдила дека Французите снимаат филм, но вели дека темата е само Аркан.

– Не снимаат филм за мене, туку за Жељко. Не е планирано во филмот да зборуваме јас и моите деца – рекла Цеца.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.