Лино Червар се соочува со сериозни проблеми со составот на Македонија пред утрешниот дуел со Ангола, откако покрај Велко Маркоски на повреда се пожали и Дејан Манасков, кој настрада при еден обид за шут на мечот со Тунис, повредувајќи го скочниот зглоб. Маркоски воопшто не се појави на вечерашниот тренинг и најверојатно нема да биде во комбинација против Ангола, додека Манасков тренираше ссо остатокот од националниот тим.
–Ситуацијата е таква да имаме проблеми. Сите знаете колкаво е значењето на Велко Маркоски, ги чекаме новите прегледи за да се утврди сериозноста на повредата и се надеваме на добри вести. Секако дека имаме и „план Б“, но тој не е толку добар како планот А бидејќи Маркоски со години е најдобар дефанзивец. Искрено се надевам дека ќе може да ни помогне против Ангола, како и на следните натпревари на овој шампионат. Што се однесува до Манасков, кај него се појави оток по мечот со Тунис, но отокот малку се намали во изминатиот период, па вечерва тренира со нас – изјави Червар.
фото: Екипа
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
