Времето во Македонија ќе биде променливо облачно со сончеви периоди, а во источните делови облачно со повремени локални врнежи од снег кои ќе бидат со умерен, а во останатите делови со послаб интензитет. Ќе дува умерен северен ветер.
Утринската температура ќе се движи од минус 18 до минус шест, а дневната од минус 10 до минус три степени.
Во Скопје слично време, променливо облачно со сончеви периоди и со врнежи од снег со послаб интензитет. Утринската температура ќе се спушти до минус 13, а дневната ќе се искачи до минус девет степени.
До четврток ќе се задржи многу студено време со благ порaст на дневната температура, а позначителен пораст на температурата ќе има од петок. Нови врнежи од дожд и снег се очекуваат во петок попладне и во сабота претпладне.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
