Се почнало во 2006 година во Њујорк кога една млада жена му нацртала на својот психијатар скица на човекот кој константно го сонувала. Таа тврдела дека овој човек е многу важен за неа поради тоа што и дава пријателски совети. Проблем? Тоа се случувало само во сништата! Во стварноста никогаш не го видела.
Психијатарот го оставил цртежот на маса, а тогаш се случило нешто неверојатно. Еден друг пациент го препозна човекот. Дали го познавал? Не, и тој го сонувал!
Психијатарот тогаш го поделил цртежот на своите колеги и ги замолил да го покажат на своите пациенти. Четири од нив признале дека често го сонуваат истиот човек. Од тогаш, повеќе од 2000 луѓе ширум светот тврдат дека ја сонуваат истата личност, пишува порталот Виралнова.
Фотографиите на сајтот посветен на овој мистериозен феномен докажуваат дека случаи на „средби“ доаѓаат од сите краишта на светот:
Лос Анџелес – САД
Берлин – Германија
Сента – Србија
Постојат повеќе теории за тоа зошто токму овој човек е присутен во сништата на луѓето кои меѓусебно не се познаваат и живеат во меѓусебно оддалечени делови од светот. Најбројни се оние кои тврдат дека луѓето имаат колективна свест и дека овој човек претставува архетип кој се појавува за да ги теши поединците во тешките времиња.
Другите теории се невообичаени. Некои тврдат дека тоа е лицето на Господ кој земал човечка форма за да ги советува луѓето. Има и такви кои мислат дека се работи за реална личност – човек кој има моќни психички способности и е во состојба да навлезе во главите на илјадници луѓе.
Некои одат толку далеку што тврдат дека овој Човек е продукт на големите корпорации како дел од планот за ментална контрола.
Сепак, постои и една , доста пореална теорија. Имено, сега кога постои сајтот, одреден број луѓе можеби ја виделе фотографијата на овој човек или ја слушнале приказната за него. Во овој случај, сништата за него не би биле ништо невообичаено туку би претставувале начин на кој мозокот се поигрува со нас.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
