Општина Аеродром се откажа од бадниковите огнови – дрвата ќе им ги даде на сиромашните

Општина Аеродром оваа година бадниковите дрва ќе ги пренамени за семејства од социјално ранливите категории, наместо за бадникови огнови.

Ова е барање на советничката група на ВМРО-ДПМНЕ при Советот на Општина Аеродром, кое денеска беше доставено до Општината, но исто така и на голем број граѓани поради големата загаденост на амбиенталниот воздух.

Затоа, Општина Аеродром одлучи барањето да го стави како посебна точка на дневен ред на 60-та седница на Советот на Општината, која ќе се одржи во понеделник и доколку предлогот го прифати мнозинството советници, Општината ќе се обрати до Министерството за труд и социјална политика да овозможи пристап до список на лицата од социјално ранливите категории кои живеат на територијата на Општина Аеродром.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.