В недела, 01.01.2017 година, Македонската опера и балет ќе го изведе својот традиционален Новогодишен концерт. Концертот ќе се одржи во реновираниот Салон на Македонската опера и балет и носи наслов, „Руска бајка“. На програмата ќе бидат застапени дела од познатите руски композитори: Прокофјев, Чајковски, Шостакович, Рахмањинов, Фомин, Герман, Пендерцки, Ларионов и Римски-Корсаков. Ќе ги изведат оперските солисти: Тамара Калинкина-сопран, (Украина), Борис Трајанов-баритон и Дарко Нешовски-тенор, и балетските солисти: Мими Поп Алексова Атанасовска, Марија Кичевска Шокаровска, Ивана Коцевска, Бобан Квачевски, Дојчин Дочев (Бугарија), Игор Веланоски, Дафина Данилоска-Кочевска, Маја Митровска-Богојевска, Марина Анастасовска и Билјана Басмаџиева.
Учествуваат и балетскиот ансамбл и оркестарот на Македонската опера и балет. Режисер е Трајко Јордановски, кореограф Саша Евтимова, а диригент на концертот ќе биде Иван Еминовиќ.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
