Во Русија рекордно ниски температури

Рекордно ниска температура од минус 62 Целзиусови степени е регистрирана во областа Големо Олхово во автономниот округ Ханти-Мансиск, соопштија денеска локалните власти.

–Вчера во селото Казим Белојарско беа измерени минус 58 степени… Видливоста практично е никаква. Последните податоци покажуваат минус 62 степени денеска.., во истата област- изјавил за агенцијата РИА претставничката на локалните власти Елена Шумакова.

Поради големиот студ прекината е наставата во училиштата. Претходно е објавено дека поради многу лошите временски услови одложени се сите летови на локалните аеродроми.

Според властите, метеоролозите прогнозираат во петок температурата да се покачи на минус 30 Целзиусови степени и се шегуваат дека ќе им биде како да се на некои јужно одморалиште.

Апсолутниот температурен рекорд кој е регистриран во Русија, е забележан во селото Ојмјакон во Јакутија, кого го нарекуваат „пол на студот“ на планетата. Таму во 1938 година биле измерени минус 77,8 Целзиусови степени.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.