Луис Суарез учествуваше со два гола и една асистенција во победата над Еспањол од 4-1, но и нему му беше јасно дека главната улога на градското дерби ја имаше Лионел Меси. Воедно, Уругваецот со најреален коментар ги опиша двете мајстории на својот соиграч во второто полувреме, по кои Барса набрзина поведе со 3-0.
– Меси игра фудбал како на „плејстејшн“, само тој го може тоа и токму тоа го прави единствен играч, најдобар фудбалер на светот. Никој друг не би можел да изведе ништо слично, а нам ни останува само да уживаме во неговите мајстории, како и во фактот дека го имаме за соиграч во Барса – изјави Суарез.
Уругвајскиот и аргентинскиот ас имаат постигнато по 12 погодоци во Примера дивизион, со што се наоѓаат на листата на стрелци во елитното шпанско фудбалско друштво.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
