Македонскиот репрезентативец Езгјан Алиоски има одлична сезона во Швајцарија каде се промовираше во еден од најдобрите крилни играчи во шампионатот, но и водечките голгетери. Тој е еден од адутите на Лугано, со кој има договор до 2018 година, но за него почнаа да ’гризат’ и поголемите швајцарски клубови. Јанг Бојс, клубот каде тој и ја почна кариерата, сака оваа зима да го врати во своите редови.
Неговиот трансфер е веќе на страниците на швајцарскиот весник „Блик“, а популарниот Џани најавува дека има самодоверба да игра дури и за Реал Мадрид.
– Секако дека имам самодоверба. Не само за Јанг Бојс, туку и за да играм во Реал Мадрид – изјави сензационално Езгјан Алиоски, кој во овој квалификациски циклус е пријатно откритие и како крилен играч во македонскиот национален тим.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
