Според податоците на ЈЗУ Завод за здраствена заштита во Велес, нагло е зголемен бројот на заболени од грип. Во оваа медицинска установа регистрирани се 22 болни од грип кои се од сите возрасти, а меѓу кои и деца од школска возраст, истакна епидемиологот д-р Билјана Трајкова.
Таа потенцира дека во изминатите недели имало по еден најмногу до двајца заболени. Воедно апелира до граѓаните на претпазливост бидејќи сезонскиот грип е лесно пренослив во непосреден контакт со заболен.
– Инаку, годинава сезонскиот грип стартуваше нешто порано, уште на крајот на ноември, а за разлика од минатите години кога сезоната на грип започнуваше во средината на јануари. Секоја година најмногу заболени се регистрирани во месеците јануари, февруари и март посочи Трајкова.
Таа додаде дека најдобра заштита од оваа болест е вакцинацијата, а со која оваа есен се вакцинирале 1.100 велешани, главно повозрасни и хронично болни, но имало и помлади.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
