Кум на 25-тата прослава на Бадник ќе биде Радко Манов, извршен директор во ГАМА, а здравичар Љубиша Николиќ, фудбалер, тон-мајстор во пензија, водител и режисер кој целиот работен век го поминал во Македонското радио, соопшти денеска на прес-конференција Здружението на граѓани „Одбор за традиционална прослава на Бадник во Скопје“.
Од здружението информираат дека се подготвени и оти може да се очекува успешна приредба и дружење.
Новиот кум Манов потсети на традицијата која, како што рече, датира од 1993 година кога ја почнаа тројца ентузијасти Борче, Мац и Коле пред пазарчето во Буњаковец каде што им делеа бесплатно бадникови гранчиња на скопјани.
Манов истакна дека му претставува големо задоволство што е избран да биде кум и што ќе ја продолжи оваа традиција.
Здравичарот Љубиша Николиќ им се обрати на присутните со свои стихови и додаде оти каде и да оди без Македонија и без неговиот град Скопје не може да живее.
На 25-ми декември во 12 часот во Говрлевска Краста на Водно ќе се берат бадникови гранчиња, а прославата е на Бадник, 6 јануари, од 10 до 13 часот пред Соборниот храм во Скопје.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
