Нијанг веќе нема да шутира пенали за Милан, следен е Лападула

Мбаје Нијанг беше трагичар на Милан на синоќешното дерби со Рома, на кое францускиот напаѓач промаши пенал во првото полувреме. Ова беше втор нереализиран удар од белата точка за Нијанг во последните две кола (претходно беше непрецизен и против Кротоне), поради што тој самиот најави дека во иднина нема да ги изведува пеналите за тимот на Милан.

– Сакам да им се извинам на сите, ја преземам одговорноста. Сакав да постигнам гол, ете се случи да не успеам и за жал тоа промашување го чинеше тимот загубени бодови. Ако добиеме следен пенал, ќе го шутира Лападула. Најважно е пеналите да се претвораат во голови, не кој ќе ги изведува – истакна Нијанг.

Милан со загубените бодови на градското дерби падна на третото место на табелата, со дури седум бода заостанување зад лидерот Јувентус. Нијанг сезонава настапи на 14 натпревари за „росонерите“, притоа постигнувајќи три погодоци.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.