Цените на нафтата на светските берзи денеска пораснаа за околу шест проценти достигнувајќи највисоко ниво од јули 2015 година, откако во текот на викендот Саудиска Арабија соопшти дека е подготвена да го намали дневното производство на енергенсот и пред договорениот рок на состанокот на Организацијата на земјите извознички на нафта (ОПЕК).
Американската лесна нафта за испорака во јануари на берзата во Њујорк поскапе за 5,8 проценти или за 3,01 долари на 54,51 долари за барел, што е нејзина највисока цена од 6 јули минатата година. Во исто време, на берзата во Лондон цената на северноморската нафта од типот „брент“ за испорака во феврури се зголеми за 6,6 отсто или 3,56 долари на 57,89 долари за барел.
Ваквиот драстичен раст на цените на нафтата уследи откако саудискиот министер за енергетика Калид алФалих изјви дека Саудиска Арабија, која е најголем извозник на „црно злато“ во светот ќе го намали дневното производство на енергенсот значително под нивото договорено на состанокот на ОПЕК во Виена на крајот на минатиот месец. На оваа средба членките на ОПЕК и 11 други земји извознички на нафта што не се членки на картерот, меѓу кои и Русија и Мексико, првпат по 15 години постигнаа договор за намалување на дневното производство на енергенсот за 558.000 барели дневно во текот на следната година. Главниот пазарен аналитичар на австралиската компанија ИГ, Крис Вестон оценува дека најавата на АлФалих пртставува „многу силна порака дека призводителите сакаат да постигнат рамнотежа на пазарот“ на нафата. Аналитичарот на хонконшката фирма „Самфорд Бернштајн“, Нил Бевериџ пак смета дека најавеното намалување на производството на нафта ќе биде доволно да се создаде дефицит од енергенсот на пазарот, што ќе доведе и до раст на неговата цена.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
