Кандидатот за пратеник, Емил Димитриев и носителот во изборната единица 3, Илија Димовски денеска остварија средба со граѓаните на Македонска Каменица на која се зборуваше за досега спроведените мерки и за црните сценарија на опозицијата.
Димитриев на средбата истакна дека Македонија е пример како треба да работи Владата и локалната самоуправа и додаде дека пред една година во Македонска Каменица во употреба беа пуштени многу нови улици и дека народот гледа дека се гради и тоа ќе го награди на 11 декември.
Тој додаде дека рудникот „Саса“ е една успешна приказна во Македонска Каменица, а дека е формирана и работна група која што ќе го реши проблемот со бенифицираниот стаж на рударите, Димитриев додаде дека и во иднина граѓаните од овој регион ќе имаат силен поддржувач во Владата.
Во однос на новата програма „Реално“, Димитриев истакна дека Коалицијата „За подобра Македонија“ има сериозна програма која е подготвена вниматело и во неа има проекти за сите категории на граѓани низ целата држава.
На крајот Димитриев нагласи дека темите што ги отвора Зоран Заев не смеат да се отвараат и дека само со 63 пратеници за ВМРО-ДПМНЕ и коалицијата овие црни сценарија на опозицијата ќе пропаднат.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
