ЦАС ја одби жалбата на Блатер, останува под суспензија шест години

Сеп Блатер во следните шест години не смее да извршува било каква функција поврзана со фудбалот, откако екс-претседателот на ФИФА денеска ја загуби и жалбената постапка пред Спортскиот суд за арбитража (ЦАС). Швајцарецот претходно заработи ваква казна поради кршење на кодексот на етика, поради исплатата на 1,3 милиони фунти на Мишел Платини.

И Блатер и Платини тврдеа дека не сториле ништо лошо, но двајцата во меѓувреме беа сменети од претседателските функции во ФИФА и УЕФА. Блатер во жалбата до ЦАС не бараше намалување на казната, туку нејзино укинување, што денеска и официјално беше отфрлено од страна на Судот.

– За префрлените пари не постоел никаков договор, туку станувало збор за подарок, што е недозволиво. Одлучено беше дека изречената казна воопшто не е непропорционална со престапот, како што тврдеше Блатер – објавија од судот во Лозана.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.