Димовски: Вложување во нови рудни богатства и во зголемување на производство на електрична енергија

Владата предводена од ВМРО-ДПМНЕ и државните компании во областа на енергетиката ќе вложат огромни суми во енергетскиот сектор, во откривање на нови рудни богатства и во зголемување на капацитетот на производство на електрична енергија, истакна денес Илија Димовски, носител на листата во ИЕ 3 од ВМРО-ДПМНЕ.

Тој додава дека еден од клучните проекти во програмата на ВМРО-ДПМНЕ се наоѓа во Малешевскиот дел.

-Се извршија огромни истражувања на потенцијалите за јаглен. Примарните резултати од тие истражувања говорат дека количината на јаглен е огромна, но она што изненадува е квалитетот на истиот кој веројатно ќе биде еден од подобрите, ако не и најдобар во Македонија. Вниманието во овој дел ќе биде насочено кон тој потенцијал. Завршување на сите физибилити студии и можност за отворање на голем рудник за јаглен во овој дел, а со тоа природно следува создавање на услови за изградба на термоцентрална која ќе значи многу вработувања, но и индустриски препород на целиот регион, истакнува Димовски.

Тој вели дека државните компании имаат сериозна намера да работат на овие проекти.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.