Стипендии за магистерски и докторски студии за студенти од семејства со примања под просечните

Во новата програма на ВМРО-ДПМНЕ „Реално“ се предвидува проект со кој што ќе овозможиме стипендии за магистерски и докторски студии на студентите кои што завршиле со просек над 8,5 или 8,5, а кои што се од семејства кои што имаат примања под просечните, истакна Никола Тодоров, носител на пратеничката листа на ВМРО-ДПМНЕ и коалицијата „ За подобра Македонија“ во ИЕ 2.

-Така ќе им помогнеме на оние студенти кои што сакаат да продолжат со магистерски и докторски студии. Бодувањето за критериумите како ќе се избираат овие студенти на кои што ќе им се даде стипендијата во најголема мера ќе зависат од нивната материјална положба, но и од видот на студиите. Техничките науки и  медицинските науки ќе бидат привилегирани и ќе носат одреден број на бодови, а 60 бода ќе носи материјалната положба на студентите. Имајќи предвид дека докторските студии  понекогаш чинат и до 5000 евра, а магистерските студии исто така одредена сума  и тоа е сума која не можат да си ја дозволат некои од студентите, рече Тодоров.

Тој посочи дека  се предвидува и продолжување на проектот за доделување на 500 стипендии на талентирани спортисти. Стипендија која се доделува 10 месеци и изнесува 4400 денари.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.