„Знам дека не постои екипа кој не би го сакала Фетел во својот болид. Тој е долго време во Ред Бул и е важен дел од сите успеси на нашиот табор. Не е проблем договорот, туку како тој самиот се чувствува во тимот. Задоволството е двострано и мислам дека уште долго ќе биде со нас“, вели Хорнер во интервјуто за германските медиуми.
Шефот на шампионскиот состав во Формула 1 конкуренцијата Ред Бул, Кристијан Хорнер, изјави дека воопшто не се плаши дека Себастијан Фетел би можел да го напушти тимот по крајот на сезоната и да се пресели во редовите на Ферари.
Инаку, иако Себастијан Фетел е најдобар три години во низа, тој е дури на четвртата позиција според заработката во Формула 1 шампионатот. Пред него се Фернандо Алонсо од Ферари, Луис Хамилтон од Мерцедес и пилотот на Мекларен, Џенсон Батон.
Следната трка од Ф1 календарот ќе се вози на 26-ти мај, кога на програмата ќе биде гран-при натпреварувањето во Монте Карло.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
