Вчеравечер во МНТ се одржа првиот од најавените 4 концерти на најпопуларниот машки изведувач во регионот, Жељко Јоксимовиќ. Од првата до последната џез или свинг варијанта на веќе познатите поп, рок и фолк песни, публиката возбудено го наградуваше со аплауз трудот на Јоксимовиќ.
Полната сала беше доказ дека Жељко Јоксимовиќ успева во намерата предновогодишно да ги разубави македонските денови.
Со повеќе од 40 музичари на сцена, нешто повеќе од час и половина и 24 песни со нов аранжман, публиката уживаше еден сосема поинаков концерт во интимната атмосфера на театарот.
Остануваат да се реализираат уште 3 концерти од проектот на Јоксимовиќ, насловен „Два света“. Почетокот и на останатите три концерти е 20.30 часот.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
