Запознајте го Такер: Првиот фетус на кој му била направена операција на отворено срце додека се наоѓал во утробата на мајката

За Такер Русан се мислело дека нема да преживее. Му бил дијагностициран срцев тумор уште пред да се роди, и неговиот случај се чинел надвор од можностите на современата медицина. Но, очајни да го спасат нивното бебе, родителите Кети Рајс и Мајк Русан од Вермонт нашле надеж во Детската болница на Филаделфија, во која тимот лекари им понудил нешто досега нечуено.

Па така, во 24-тата недела од бременоста, тимот ја извел првата фетална хируршка интервенција за отстранување тумор во светот. Сега веќе тригодишниот такер е среќно и здраво дете во предучилишна возраст.

-Сѐ се одвива прекрасно“, вели хирургот д-р Џек Рајчик. „Ова е емотивната страна на менувањето на природата, кога таа наметнува слаби изгледи за живот, а ние тоа да го свртиме за 180 степени и да му овозможиме нормален живот на ова дете. Да му се даде на ова дете можност за нормален животен век како единствено човечко суштество.

На Такер му била дијагностицирана интраперикардијална тератома. Тоа е исклучително редок вид тумор кој се шири брзо во срцевага обвивка и може да се открие уште во периодот пред раѓањето. Доколку не се третира, секогаш има фатален крај.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.