Средовечен поштар од Крива Паланка, пензиите и социцијалната помош што требало да ги подели си ги ставал в џеб, а на уплатниците сам се потпишувал. На тој начин заработил 1.700 евра пред да биде фатен.
Полициската станица во Крива Паланка јави дека поднела кривична пријава за С.С.(51) од Крива Паланка, вработен како поштар во Македонска пошта, подружница Куманово, за сторени кривични дела затајување и фалсификување исправа.
Во периодот од октомври 2011 до октомври 2012 година пријавениот, откако бил задолжен со парични средства наменети за исплата на пензии и на социјална помош, за дел од корисниците не извршил достава на парични средства, а на уплатниците своерачно се потпишувал задржувајќи еден примерок за себе, додека вториот примерок го оставал во Македонска пошта. На тој начин пријавениот противправно присвоил парични средства доверени во работењето во износ од 106.905 денари.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
