Дванаесет лица, меѓу кои и 11 девојчиња на возраст од 10 со 14 години, загинаа при пожар што избувнал во ученички интернат во турската провинција Адана, објавија денеска турските медиуми.
Една од жртвите е жена, која работела во интернатот, а во огнената стихија се повредени уште 22 ученички.
Официјални претставници изјавија дека според првичните информации, причина за пожарот е дефект во електричната инсталација, а огнот брзо се проширил бидејќи внатрешноста на домот била од дрвен материјал.
Гувернерот на Адана, Махмур Демитрас истакна дека тој дом има вкупно 34 ученици, а некои од повредите се случиле додека девојчињата се обидувале да побегнат преку прозорците.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
