Аргентина е победник во годинашниот Дејвис Куп откако во финалето кое се играше во загрепската Арена славеше со 3-2 во мечеви против домаќинот Хрватска.
Во последниот одлучувачки меч, Федерико Делбонис славеше против Иво Карловиќ, убедливо во три сета со 6-3,6-4,6-2, што значеше знак за големо славје на трибините на Диего Марадона и неговите сонародници.
Од самиот почеток на мечот се виде дека Карловиќ нема да може успешно да парира на Делбонис кој понесен од феноменалната поддршка од бројните Аргентинци во Загреб присутни во Арената, лесно чекореше низ победничкиот ритам. Карловиќ успеа да освои само девет гема, на крајот за убедлив пораз.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
