Автопатот Кичево – Охрид готов во 2018, Груевски најави изградба на нов автопат

Во Кичево ќе го доизградиме и пуштиме во употреба автопатот Кичево – Охрид во првата половина на 2018 година, во должина од 57 километри, инвестиција вредна 370 милиони евра. Најдолгиот тунел во Македонија во должина од 2 километри ќе се изгради токму на оваа траса, најави пред кичевци лидерот на ВМРО-ДПМНЕ Никола Груевски и носител на кандидатската листа во четвртата изборна единица.

-Ветуваме изградба и на нов автопат Кичево – Гостивар, во должина од 42 километри. За реализација на истиот ќе се инвестираат 350 милиони евра. Меѓувремено, ќе го реконструираме магистралниот пат Кичево – Гостивар, затоа што додека се изгради новиот луѓето треба да се движат по безбеден пат. Сегашниот пат Кичево – Гостивар целосно ќе се реконструира, а паралелно ќе се гради нов автопат и ќе ги обновиме сите 5 мостови на оваа делница што сега е меѓу Гостивар и Кичево во должина од 28 километри, инвестиција вредна 8,6 милиони евра, за обнова на мостовите и за реконструкција на сегашниот пат Гостивар – Кичево.

Да нема забуни, додаде Груевски, истовремно реконструкција на сегашниот пат Кичево – Гостивар, тоа е сега брзо ќе почне и паралелно подготовки и почеток на градба на автопат Гостивар – Кичево.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.