Кандидатот за пратеник од Изборната единици 2 Трајко Вељаноски денес оствари повеќе средби со граѓани во село Радишани и во населените места Расадник и Бутел.
Вељаноски ја продолжува агендата за посети и средби со граѓаните од населените места во Изборната единица 2. Тој денес пред граѓаните на населените места Радишани, Расадник и Бутел презентираше дел од проектите и мерките од новата изборна програма на Коалицијата „За подобра Македонија“ кои се значајни за овие населени места и граѓаните кои живеат во нив.
Ваквите средби со граѓаните наидуваат на голема поддршка кај граѓаните бидејќи тие имаат можност прецизно да се запознаат со проектите и мерките од програмата, но и директно да поразговараат со кандидатите за пратеници од Коалицијата „За подобра Македонија“ предводена од ВМРО-ДПМНЕ.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
