Фидел Кастро, поранешениот претседател на Куба и лидер на комунистичката револуција, почина на возраст од 90 години, објави државната телевизија, пренесува Би-Би-Си.
Претседателот Раул Кастро, во доцните вечерни часови, се обрати кон нацијата преку државната телевизија, потврдувајќи за смртта на Фидел Кастро и изјавил дека денеска неговото тело ќе биде кремирано.
Следуваат неколку дена на жалост на островот.
Кастро владеше со Куба, како еднопартиска држава, речиси половина век пред предавањето на власта на својот брат Раул во 2008 година.
Кубанската телевизија, во април годинава, го прикажа Фидел Кастро, кој во јавноста по подолга пауза се појави како седи крај Раул Кастро и Николас Мадуро на гала свеченоста во театарот „Карл Маркс“ во Хавана, по повод неговиот 90-ти роденден.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
