Груевски: Јас сум Македонец, секој Албанец кој својата иднина ја планира во овие граници на Македонија, ме има за сојузник и мене и ВМРО-ДПМНЕ

Јас сум Македонец, сакам да им порачам на сите Албанци, секој Албанец кој својата иднина ја планира во оваа држава со овие граници, во унитарна Македонија, ме има за сојузник и мене и ВМРО-ДПМНЕ и оваа коалиција со нас, рече на митингот во скопски Карпош лидерот на ВМРО-ДПМНЕ, Никола Груевски.

-Ние се грижиме за сите подеднакво, градиме водоводи и во македонските средини, градиме водоводи и во албанските средини, градиме канализациони системи во и македонските и во албанските, градиме во турските, градиме во ромските средини. Градиме патишта насекаде. Нека не ги залажува Заев луѓето, самиот не е свесен што споредува и во каква каша ќе ја донесе Македонија. Сакаме оваа земја да остане цела, заеднички да останеме , заеднички да живееме и заеднички да станеме членки на НАТО и ЕУ, тоа е нашата цел, да ја зајакнеме економијата, да ја намалиме неврабоптеноста, да одиме напред заеднички сите, а не да бидеме полтрони на нечии сценарија, порача Груевски.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.