Земјотрес со интензитет од 6,1 степен според Рихтеорвата скала го погоди изутринава по локално време североисточниот дел на Јапонија, а епицентарот бил на 20 километри источно од префектурата Фукушима.
Иако е покрената тревога за цунами, јапонските метеоролози сметаат дека висината на брановите ќе биде минимална и оти тие тешко дека ќе предизвикаат некаква штета, соопшти Јапонската метеоролошка агенција (ЈМА).
Потресот се почувствувал во 17 префектури, вклучувајќи ги и Фукушима, Мијаги, Ивате и Токио.
Овој земјотрес се случил во истото подрачје, како и потресот од 7,3 степени според Рихтеровата скала, кој се случил пред два дена.
ЈМА предупреди на можни нови потреси.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
