Откриена е злоупотреба на возила од страна на блиски соработници на Фросина Ташевска Ременски. Станува збор за Наташа Методијева службеник во кабинетот на техничката министерка за труд и социјална политика која користела возило на министерството за приватни потреби и цели.
До редакцијата на Курир стигнаа информации и фотографии со кои се посведочува разузданоста на соработниците на техничката министерка за труд и социјална политика.
Наташа Методијева кабинетски во кабинетот на Ташевска Ременски користела службено возило на министерството чие користење и било дозволено нејзината министерка.
Од документите во прилог јасно се гледа дека Наташа Методијева е именувана за кабинетски службеник на 2 септември 2016 година и дека со решение од 3 октомври и е утврдено правото за користење на службено возило Цитроен Ц3 со регистарски број SK-2275-AL
Иако Методијева била задолжена да го користи возилото за службени потреби како што е наведено во решението, од фотографиите и видеото во прилог се забележува дека таа го употребувала надвор од работното време и вон потребите на Министерството за приватни и партиски цели. Возилото е забележано и пред партиските штабови на СДСМ, а на фотографиите подолу возилото е забележано пред зградата во која живее Наташа Методијева.
Истиот кабинетски службеник е партиски војник на СДСМ и учесник во таканаречената Шарена револуција, па оттука логично се поставува прашањето дали нејзиниот шеф Фросина Ташевска Ременски ја наградувала со возило во сопственост и средства од Министерството за успешно завршени партиски обврски.
Ова е конкретен доказ за злоупотреба на службени ресурси, службени возила за приватни и партиски цели. Техничката министерка Ташевска Ременски која се обиде да манипулира на неколку пресконференции и лажно да обвинува, преку овој случај дознаваме дека дозволувала злоупотреба на службени ресурси и возила од страна на нејзиниот кабинет. За досегашните скандали немаше храброст и доблест да се извини но за конкретниот скандал треба да понесе одговорност и Ременски и нејзиниот кабинет.
Останува јавноста да суди, а надлежните институции да превземат соодветни мерки.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
