Утре во Скопје во Вип Арената ќе се одржи спектакуларниот концерт на Јан Гилан ( Ian Gillan) и бендот на „Дон Аири“ (Don Airey) и Македонската филхармонија.
-Иако важи за највпечатливиот вокал на сите времиња, Јан Гилан (Ian Gillan) за концертот во Скопје нема некои специјални барања. Освен што звукот мора да е перфектен, единствено во неговата рајдер листа Гилан бара да има природни и свежо цедени сокови, многу вода и квалитетно вино, велат од „Авалон“.
-Со текот на годините, се навикнав да настапувам со бендови, но да се пее со симфониски оркестар за мене е луксуз и големо задоволство. Ова е навистина фасцинантна фузија и не знам дали и кога повторно би можела да се повтори, бидејќи на секој концерт настапувам со различни оркестри. Со Македонската филхармонија, на пример, ќе имам проба на денот на концертот- вели Гилан во пресрет на утрешниот концерт.
Тој додава дека е среќен што ќе може да ги пее најголемите хитови на Deep Purple, но и песни што не биле изведени досега, како: „Razzle Dazzle“, „The Unwritten Law“, „Anya“, а исто така на репертоарот ќе се најдат и песни од неговата соло кариера.
Гилан на овој концерт ќе настапи со неговата ќерка Грејс, која е пејачка во групата „Papa Le Gal“- бендот што ќе го отвори концертот во Скопје.
-90 проценти од капацитетот на Вип Арената е распродаден, останаа уште многу мал број на влезници, кои можат да се набават преку продажната мрежа на Купи Карти За Се, информираат од „Авалон“.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
